Yuh know yuh from North when:
yuh not exactly sure where San Fernando is…
anything after Nestle is country ……….
yuh hobbies is surfing and spear fishing….
yuh cyar handle pepper…
yuh buy yuh driver’s licence…
yuh never get blank from a club…
yuh father does go Coconuts…
yuh doh have ah sexual preference…
yuh does talk wid a foreign accent
Yuh know yuh from de East West corridor when:
yuh push drugs at least once…
yuh does get yuh car parts from de Bamboo…
yuh know Sharlene Boodram personally…
yuh know all de Punch girls personally…
yuh father own a maxi…
yuh playing all fours since yuh four years old…
Yuh know yuh from Central when:
>yuh have a hammock in every room in yuh house…
>yuh biggest dream is to join a rock band…
>yuh nearest neighbour livin three miles away…
>yuh have ah autographed Chris Garcia poster…
>yuh try drinking rubbin alcohol already…
>yuh tink Play Whe is de best ting dat ever hit Trinidad …
>yuh feel Couva should be made a city…
>yuh know someone personally who drink Gramoxone
>Yuh know yuh from South when:
>yuh get blank at least once from a club…
>yuh still waitin fuh cable…
>yuh "pull bull" on ah Friday night already…
>yuh have chickens and goats as pets…
>yuh always lookin to fight in ah fete…
>yuh does still wear rubber slippers…
>yuh believe Gulf City is de most happenin place…
>yuh swim to school at least once already after a flood…
>yuh father woking in de oil field
Yuh know yuh from Tobago when:
>yuh forehead have dat "natural shine"
>yuh have ah aunt name Jean
>yuh does walk wit soap and shampoo to de beach…
>yuh first choice was Signal Hill…
>yuh sister is six foot tall…
>yuh favourite food is KFC…
>yuh favourite airline is Air Caribbean …
************************************************
A ship sank in high seas and the following people got stranded on a beautiful deserted island in the middle of nowhere:
1. 2 Jamaican men and 1 Jamaican woman
2. 2 Trinidadian men and 1 Trinidadian woman
3. 2 Guyanese men and 1 Guyanese woman
4. 2 Bajan men and 1 Bajan woman
5. 2 Antiguan men and 1 Antiguan woman
6. 2 Chinese men and 1 Chinese woman
7. 2 Indian men and 1 Indian woman
One month later, on various parts of the island, the following was observed:
One Jamaican man killed the other Jamaican man for the Jamaican woman.
One Trinidadian man kidnapped the Trinidadian woman and asked the other Trinidadian man for the ransom.
The two Guyanese men have a strict weekly schedule of when they alternate with the Guyanese woman.
The two Bajan men are sleeping together, and the Bajan woman is cooking and cleaning for them.
The Two Antiguan men took a long look at the endless ocean and a long look at the Antiguan woman and they start swimming.
The two Chinese men are talking to all the other men on the island try to sell them the Chinese woman.
The two Indian men are still waiting for someone to introduce them to the Indian woman.
ohhhh gaaaad ohhhh mammoo and dem sticking man time to get all Tarzan and Jane on dat island. But yuh little off on de Trini dem — here how it wuda really wuk out.
– Trini woman playing both Trini fellas both ah dem feel dem is de only one for she. Plus dem saying it eh have no other woman for dem and dey blazing de Indian, Chinee, Bajan AND de Antiguan woman at de side. Daz how Trini does roll we doh bizness lol
Good one take yuh card !!
One of the most beautiful beach in the world is for sale.BEACH FOR SALE JUST FOR YOU INDIAN OCEAN
LMAO!!! Classic…lol..hahahahh
References :
TriniTrish not easy nah LOL
buh ay ay yuh dam fas…………….i from south an i ha cable like 10yrs now since the company was AJ cable……………bud doe geh wax ah geh blank from de base wen it was in existence LOL….we had goat and chicken a while ago………………ah pull bull ah morning me an meh bes fren goin to bathe in the pitch lake (as if we know La Brea) it was just for fun we pick up two ppl but we din take no money from dem…by me doe flood at all at all………..ah doe wear rubber slippa and yes meh fadder wuk in the oil field buh now he retire and is real oil money we livin on
buh good one good one man!!!!
References :
Waaaaaaaaaaaaaaay gyal – ah from de North but ah eh so bad! The only thing that I "used" to say is ah going down South (when is only Chaguanas ah going)!
References :
Yuh see the 2nd one about the ship, l send out that in an email this week self, but by the one about the Antiguan and them, ah had to say "ouch", that had to be one ugly @ss Antiguan woman to make them men risk the life so ent!
References :
L OL, I am guilty of thinking anything past Nestle is de country.
References :
Oh no! It’s a non question! Watch out or Yahoo will suspend you.
References :
ohhhh gaaaad ohhhh mammoo and dem sticking man time to get all Tarzan and Jane on dat island. But yuh little off on de Trini dem — here how it wuda really wuk out.
– Trini woman playing both Trini fellas both ah dem feel dem is de only one for she. Plus dem saying it eh have no other woman for dem and dey blazing de Indian, Chinee, Bajan AND de Antiguan woman at de side. Daz how Trini does roll we doh bizness lol
Good one take yuh card !!
References :